Atualità
Conzerć cun solisć d'ezeziun: „Junge Solisten am Podium“
Tl contest dla dejima ediziun de „Junge Solisten am Podium 2014“ él l’orchestra da ćiamena tiroleja che mët a jì dui conzerć ai 30 de novëmber y al 1 de dezëmber tl Südtirol. I partner de cooperaziun dla scomenciadia é les Scores de musiga todësces y ladines adöm cun „Musik Meran“.
La scomenciadia de conzerć „Junge Solisten am Podium 2014“ é ponsada sciöche promoziun interregionala de solisć stromentai d’ezeziun che vëgn da perts desvalies dl Tirol. I cinch solisć che sonarà tratan chësta ediziun sarà Laura-Maria (16 agn, vidora) y Magdalena (12 agn, vidora) Waldauf, Julian Gruber (16 agn, percusciuns), Lukas Schmid (18 agn, fagot) y Andreas Fuetsch (30 agn, pos).Le conzert "Junge Solisten am Podium" podaran aldì en domënia, ai 30 de novëmber dales 18 tl Kurhaus da Maran, al 1 de dezëmber a Auer (cun n program adatè ai scolars). Informaziuns plü monüdes pon ciafè tres le program che é gnü ajuntè.
rc
