Atualità
"www.manif.it": Presentaziun dl portal internet nü a Balsan ai 27/11
Cun na grafica daldöt nöia che se adatëia inće ales formes plü modernes dla comunicaziun tecnologica se presentëia da püch le portal internet ladin www.manif.it, olache al vëgn racoiü y publiché les manifestaziuns dles valades ladines dl Südtirol. Le portal nü, sostignì dales Repartiziuns Cultura Ladina y Cultura todëscia, gnarà presentè en jöbia ai 27 de novëmber dales 11 a Balsan.
L’Istitut Ladin „Micura de Rü“ y le Sorvisc Formaziun Val Badia y Gherdëina inviëia ala presentaziun dl portal internet nü, www.manif.it, olache al é da ciafè n calënder tres ajornè dles manifestaziuns culturales y de formaziun tles valades ladines y olachè an po inće dè ite scomenciadies nöies. La creaziun dl portal internet nü é gnüda sostignida dales Repartiziuns Cultura ladina y Cultura todëscia y gnarà presentè
en jöbia, ai 27 de novëmber
dales 11
tla terza alzada
dl Palaz provinzial 2 (plaza Silvius Magnago 10)
a Balsan
en presënza dl assessur por la cultura todëscia y integraziun Philipp Achammer, le diretur dl Ofize Formaziun permanënta dla Cultura todëscia Hubert Bertoluzza, dl diretur dl Istitut Ladin Micurà de Rü Leander Moroder y da Stephan Ploner, colaboradù dl Sorvisc Formaziun.
rc
