Atualità
Stipendiums por le personal sanitar
L’Ofize Formaziun dl personal sanitar lascia alsavëi che al vëgn conzedü stipendiums por la formaziun de basa che reverda les profesciuns sanitares, sciöche inće i spezialisć y i assistënć tl ćiamp sanitar por l’ann de scora 2014/2015.
I studënć olache le davagn de familia (do avëi trat jö les somes imponibles) é manco co 32.000,00 euro tl 2013, po ciafè n stipendium. De tan che le stipendium é depënn dal davagn dla familia.
I formulars por fà domanda ciafëise tl Ofize provinzial Formaziun dl personal sanitar, Assessorat por la sanité, strada Kanonikus-Gamper 1, 3. alzada, ofize n. 380, Balsan.
Al vel chisc terminns:
- 22 de dezëmber dl 2014 por i cursc che mët man o à metü man dai 01.08 ai 31.12.2014
- 29 de mà dl 2015 por i cursc che mët man dai 01.01 ai 31.07.2015.
I formulars y i criters por l’assegnaziun po gnì desćiarià da chësta plata web:
http://www.provinz.bz.it/gesundheitswesen/gesundheitspersonal/beihilfen-gesundheitspersonal.asp
De plü informaziuns é da ciafè tl Ofize Formaziun dl personal sanitar (Claudia Paulato - tel. 0471 418152 o 0471 418140, e-mail: claudia.paulato@provinz.bz.it).
rc
