Atualità
Convëgn: „Metamorfosa dla scora“ ai 29 de novëmber a Balsan
Le convëgn „Metamorfosa dla scora“ vëgn tignì en sabeda ai 29 de novëmber tl'aula magna dl’Université Lëdia da Balsan dales 9 ales 13 y traterà les tematiches dl svilup y dl’evoluziun atuala dla scora.
Les sfidades por la scora é aumentades tl 21ejimo che cun l’aumënt dla complessité soziala se damanda modì nüs de partezipaziun y de inclujiun inće por integrè damì i svilups soziai, economics y culturai atuai tla pedagogia y tla didatica scolastica.Le convëgn „Metamorfosa dla scora. Cultura dla formaziun y ambiënć dl aprendimënt en transiziun“ vëgn organisé dales trëi Intendënzes scolastiches en colaboraziun cun la LUB y gnarà tignì
en sabeda, ai 29 de novëmber,
dales 9 ales 13
tl’aula magna dl Université Lëdia da Balsan,
plaza dl Université 1.
Le convëgn gnarà daurì cun n salüt da pert di trëi assessurs por la scora y cultura, Florian Mussner, Philipp Achammer y Christian Tommasini. Le program dl convëgn é gnü injuntè.
rc
