Atualità
Proiet Safety Snow: "La ligrëza sön la nëi dess romagne"
Port ti dè inant ai jogn les regoles de comportamënt plü importantes y le savëi sön n sport da d’invern sigü à le presidënt dla ćiamena profescionala provinziala di mënacrëp y di acompagnadus cun i schi metü sö, en colaboraziun cun le sorvisc dl aiüt alpin dl AVS, les intendënzes scolastiches provinziales y l’Ofize Idrografich provinzial, le proiet "Safety Snow".
"La ligrëza sön la nëi dess romagne, porchël él da tignì fora inzidënć tl sport da d‘invern", à sotrissé incö le presidënt dla Provinzia Arno Kompatscher en ocajiun dl scomenciamënt dl proiet "Safety Snow". Tl cheder de chësc proiet pîta mënacrëp workshops por scolars dla 3. tlassa dla scora mesana y dla pröma tlassa dla scora alta, olache al gnarà dè inant informaziuns de basa sön la segurëza sön la nëi. Tles unitês d’insegnamënt y de pratica nen vara dl dërt echipamënt, dl savëi da lì les relaziuns sön la situaziun dles lovines, dla strotoraziun dla cutra de nëi, dl savëi tan gran che le prigo de na lovina é y dla chirida de porsones che é rovades sot na lovina.
rc
