Atualità
Tles scores ladines à le 25,5 % fat para al scioper
Di 322 insegnanć dles scores ladines dla Provinzia da Balsan, ne à incö, lönesc al 1 de dezëmber, 82 nia laurè fajon para al scioper di impiegać publics. La porcentuala che à fat para a chësta protesta é insciö de 25,47 porcënt.
Do les informaziuns dla Intendënza Ladina à le 25 porcënt dles maestres y di maestri te Gherdëna y Badia fat para al scioper. La direziun raionala (scores elementares y mesanes) de Badia à arjunt cun 71,88 porcënt (46 insegnanć) la porcentuala plü alta, tla scora elementara de Urtijëi à fat para 35 insegnanć al scioper, y che fej fora le 50,7 porcënt dla direziun raionala da Urtijëi. Tla direziun raionala da Sëlva à fat para un n/öna na insegnant/a (2,3 porcënt). Degun scioper ne é gnü registré tla scora mesana da Urtijëi, tla direziun raionala de Al Plan de Mareo, tl Istitut Tecnich Economich „Raetia“ y tl Lizeum d’Ert „Cademia“ da Urtijëi y tl zënter dles scores altes a La Ila. De düć i 322 insegnanć à fat para 82 al scioper.
rc
