Atualità
www.tessmann.it - La Biblioteca provinziala se presentëia cun na iesta nöia
Da incö 4 de dezëmber inant é la iesta nöia dla biblioteca provinziala Teßmann online. Le layout dla presënza internet nöia é gnü atualisé cun na forma saurida da odëi cun al zënter i contignüs plü importanć sciöche la chirida tl catalogh, l'aministraziun dl cunt d'imprëst, proieć, vijites y na suravijiun dles manifestaziuns plü atuales. Les informaziuns y i sorvisc é da ciafè te cater lingać.
Sön la plata nöia dla Biblioteca provinziala Dr. Friedrich Teßmann da Balsan pon insciö s'anuzé di stromënć plü importanć che la biblioteca pîta sciöche por ejëmpl la chirida ti catalogs, l’aministraziun dl cunt d’imprëst personal de vigni anuzadù y na suravijiun dles manifestaziuns plü atuales. Tres le portal dla biblioteca digitala "Teßmanndigital" él implü poscibl da lì do folieć, libri y grafiches storiches dl Tirol te na manira scëmpla bel anfat ći ora che al é y olache an é.
Tres n adatamënt ales tecnologies web nöies vara da s’informè sön i contignüs dla plata internet dla Teßmann anuzan formes desvalies de aparać eletronics, dal computer, al tablet y le smartphone. Les informaziuns y i sorvisć vëgn pità te cater lingać: ladin, todësch, talian y inglesc. La misciun dla plata internet nöia é restada la medema co denant: www.tessmann.it.
rc
