Atualità
Santificaziun dl beat Ujöp Frenademetz da Oies de Badia
OSP - L'Assessur ladin Florian Mussner se detlarëia dassënn cuntënt por la comunicaziun ofiziala dla santificaziun dl beat da Oies de Badia Ujöp Frenademetz ai 5 d'otober a Roma.
Sciöche fi de süa tera ladina y patria tiroleja, à Ujöp Frenademetz lascè süa tera y so paîsc nadè por ne gnì mai plü zoruch. Al ti è jü do a süa cherdada, à incundè la buna noela y à ciafè na secunda patria tla Cina. Al n’à mai orü i jì pormez ala jënt sciöche un ch’ê miù co i atri, mo l’à fat cun gran respet dla cultura y dla jënt dl post. Al à imparè le lingaz cinesc y n’à mia orü ti sforzè sö la cultura europeica a n popul asiatich, al s’à sforzè da capì i cineji, tan da se dejidré de "ester n cinesc sön paraîsc".
L’assessur la
din se detlarëia reconoscënt ti confrunć de düć chi ch’à albü mirit por süa beatificaziun impröma y santificaziun dedô, danter ëi inće le prou sig. Heinrich Videsott, mort dan püć agn, instës n gran veneradù dl beat Ujöp.Tröc, sce nia düć i ladins
, à n raport cun so te püch tëmp sant ladin, na porsona de gran umilté y ejëmpl por düć. La dlijia y ćiasa de nasciüda a Oies è gnüs n post de preghiera y de sostëgn spiritual chirì sö da tröc pelegrins da tröpes perts dl monn.N messaje ch’al po nes lascè te chësc momënt podess ester propi chël de i dè plü conscidraziun
ala jënt de d’atri paîsc che chir sö inće nüsc raiuns por laurè y por vire. "Él pa n caje che la scora elementara de San Linert à tut sön - en chësc ann de süa santificaziun - propi n möt cinesc te süa 4. tlassa", stlüj jö l’assessur Mussner.OSP
