Atualità
L’assessuria Stocker sön le Dé mondial dl volontariat ai 5 de dezëmber
Le Dé mondial dl volontariat ai 5 de dezëmber é por l’assessuria Marta Stocker n'ocajiun de reconoscimënt por le laûr de gran valüta che i volontars fej ti seturs soziai y sanitars. „Por merit dla gran cuantité de volontarsé ne é insciö nia ma nosc sistem sanitar y sozial che funzionëia mo döta la sozieté“, dij Stocker. L’assessuria rengrazia düć i volontars por so impëgn, süa dediziun y so laûr.
Ti ultims agn ê le numer de volontars che laôra tl Südtirol pro i sorvisc soziai y te sües istituziuns söporjö 3000. La maiù pert de chisc, zirca le mez, s’engajëia te ćiases de palsa y n terzo fej sorvisc soziai tles ćiases. Söporjö le 30 porcënt di volontars laôra por le sorvisc che porta pasć ćialć y le mangé tles ćiases („Essen auf Räder). Tl setur sanitar é atifs presciapüch 4500 volontars. 2800 de chisc laôra por les sorvisc de trasport di amarà y de pröm aiüt. I atri dëida pro assoziaziuns de paziënć y pro l’assistënza de maraties desvalies.
„I colaboradus volontars é n gran aiüt por la sozieté y ne é nia plü da s’imajiné demez pro la gran pert di sorvisc tl setur sozial y sanitar, olache ai ti dà na gran man ai colaboradus profescionai“, dij l’assessuria por la sanité y les politiches soziales Martha Stocker. L’assessuria rengrazia düć i volontars por so impëgn. „Düć chi che investësc so tëmp lëde por daidé les porsones plü debles y i amarà de nosta sozieté mirita reconoscimënt y n gran rengraziamënt“, insciö Stocker.
rc
