Atualità
Crì l’assënza de senificat – na sëira dedicheda a Hugo Vallazza tla Teßmann
Crië ponc d’ancunteda tres l’imaja, l test y la mujiga cun na forma spirituela che porta a esprescion dumandes sun l’esistënza umana: la biblioteca provinziala mët da jì na sëira dedicheda ala vita y al'opera de Hugo Vallazza en juebia ai 11 de dezëmber dala 20. La manifestazion alda pro la lingia de referac “Per ejëmpl la Ladinia".
![](/news/img/lazy.gif)
La Bibliotech provinziela Dr. Friedrich Teßman scrij te so nvit ala sëira dedicheda a Hugo Vallazza che "al semea che nia ne vënie schivà tant che l’assënza de senificat. Te n mond dla ogetivazion totala, dla dedizion cumpleta ala cumplessità y struturazion ne iel deguna lerch per forzes che nfruscea l ne “senifiché nia”. N ti va ancontra zënza cumprenscion y ne ntënd nia che l vester vierces ti cunfronc dl nia de nosc tëmp ie mé n sintom per l’aroganza y l vester da uemes dla persona."
L'artist Hugo Vallazza ova n stome dla manies de protagonism. Te si opera pitorica àl nrescì radicalmënter chësc mond che semea curì, ma che ie te na tradizion longia dla negazion de segurteies y cunvinzions. L pudëssa vester n mond dl lascé demez che porta tl juech dimenscions sciche la mancianza de ziracules, reduzion, renunzia o staniazion per reagì al mond dl’artistizità, dla materialisazion, dla perfezion, dla virtuosità, dl’aparënza y dla marcanzia.
De chësc viers uel chësta sëira crië ponc d’ancunteda tres l’imaja, l test y la mujiga cun na forma spirituela che – zënza cumpromisc – porta a esprescion dumandes sun l’esistënza umana.
La sëira dedicheda a Hugo Vallazza unirà tenida
n juebia, 11.12.2014,
dala 20.00
tla Biblioteca Provinziela Dr. Friedrich Teßmann,
A.-Diaz-Str. 8 a Bulsan.
Do na ntroduziun ala vita y al'opera de Hugo Vallazza da pert dl critich d’ert y curadëur de mostres Markus Klammer saral Luis Benedikter, istrutëur de rujeneda y dl rujené, che liejerà dant tesć ora de la scritures de Vallazza. La cumposizions per Hugo Vallazza dl cumpositëur Eduard Demetz unirà purtedes dant da Eduard Demetz (electronics), Roberta Gottardi (tlarinet bas) y Roberto Gander (tlarinet bas, tlarinet).
La lingia de manifestazions “Per ejëmpl la Ladinia” finerà via ai 31 de jené 2015 cun na festa cun l moto “Cin valedes – cin sënsc”. Per plu nfurmazions: www.tessmann.it.
rc