Atualità
Dala junta: grup de laûr sön le trafich tl'Euregio
Tru lëde por le grup de laûr che dess coordiné y armonisé les mosöres che reverda la politica dl trafich tles trëi provinzies dl'Euregio. La Junta provinziala à tut la dezijiun incö (ai 9 de dezëmber) da fà para ala scomenciadia nominan i tecnics che fajarà pert dl grup.
Tratan l'ultima incuntada dl'Euregio à i presidënć dl Tirol, dl Südtirol y dl Trentin fat fora danterlater da mëte sö n grup de laûr metü adöm da tecnics dles Repartiziuns Ambiënt y Mobilité, sciöche inće da rapresentanć de BBT y Autobrennero, por coordiné les politiches liades al trafich y, dantadöt, dl trasport de marćianzia. Incö (ai 9 de dezëmber) à la Provinzia de Balsan fat süa pert nominan sü mëmbri tecnics y tosc deventarà le grup de laûr operatif.
"Le grup - à splighé Arno Kompatscher – se cruziarà dantadöt da coordiné les mosöres preodüdes por sostignì le passaje dales rodes ales scines, y por armonisé les previjiuns lià ai dac y limić de velozité. Les trëi provinzies dl'Euregio à te n valgügn caji idees desvalies, mo l'obietif é anfat, chël ô dì sconè la sanité de che che vir sön la trassa dl Prener. Porchël aratunse che al sides important da coordiné le miù che ara va les politiches teritoriales".
rc
