Atualità
Euregio sön les scines: Conferënza stampa cun Kompatscher y Platter
Te püć dis éra tan inant: cun l’ampliamënt di coliamënć direć danter Balsan y Desproch y danter Franzensfeste y Lienz mëtel man na perioda nöia dla mobilité sura i confins fora. Por chësta ocajiun él i dui presidënć dla Provinzia Arno Kompatscher y Günther Platter sciöche inće l’assessur Florian Mussner y l’assessuria Ingrid Felipe che tignarà na conferënza stampa ai 15/12 a Desproch.
Cun l'ampliamënt di coliamënć direć dles ferates danter Südtirol y Tirol él gnü fat vari concreć por na colaboraziun plü strënta tla mobilité tl raiun dla Euregio. Dötes les scomenciadies tl setur dla mobilité gnarà insciö presentades dai dui presidënć dles provinzies Arno Kompatscher y Günther Platter sciöche inće dal assessur por la mobilité Florian Mussner y dal’assessuria tiroleja Ingrid Felipe te na conferënza stampa
en lönesc, ai 15 de dezëmber
dales 9.45
tla staziun zentrala dla ferata
a Desproch.
Por i rapresentanć di media él poscibl da to pert ala conferënza stampa tolon la ferata direta dla ÖBB che pëia ia da Balsan dales 7.32 y che röia a Desproch dales 9.38. Inće le presidënt dla Provinzia Arno Kompatscher y l’assessur Florian Mussner tolarà chësta ferata ćina Desproch, le presidënt dl Tirol Günther Platter y l’assessuria Felipe gnarà para dal Prener (09.02) ćina Desproch. La ferata zoruch pëia ia da Desproch dales 11.52, cun coinzidënza söl Prener dales 12.32 y sarà a Balsan dales 13.59.
IMPORTANT: Por podëi assiguré chertes por i iadi vëgnel damanè da se iscrì ćina en jöbia, ai 11 de dezëmber cun na email de partezipaziun a roman.clara@provinz.bz.it.
rc
