Atualità
Provinzia: Tles scores ladines à le 5,5 % fat para al scioper
Di 308 insegnanć dles scores ladines dla Provinzia da Balsan, ne à incö, vëndres ai 12 de dezëmber, 17 nia laurè fajon para al scioper di impiegać publics. La porcentuala che à fat para a chësta protesta é insciö de 5,5 porcënt.
Do les informaziuns dla Intendënza Ladina à le 5,5 porcënt dles maestres y di maestri te Gherdëna y Badia fat para al scioper. I dui valurs plü alć é gnüs registrà tl Lizeum d’Ert „Cademia“ da Urtijëi cun na porcentuala de 54,17 porcënt (13 insegnanć à scioperè sön 24) y tl Istitut Tecnich Economich „Raetia“ cun na porcentuala de 10,71 porcënt de partezipaziun al scioper (3 insegnanć sön 28). Öna na porsona a scioperè tla direziun raionala de Urtijëi, degun scioper ne é gnü registré tla direziun raionala de Sëlva, de Badia y de Al Plan y tl zënter dles scores altes da La Ila.
Indöt à 330 impiegać publics (2,7 porcënt) dla Provinzia scioperé incö (de indöt 12.235 impiegać, nia laprò vëgnel calcolè les scores statales y la sanité). Tles scores profescionales y de musiga à 148 sön 4879 insegnanć nia laurè incö, na porcentuala de 3,03 porcënt. Tles scolines él gnü registré n valur de 2,83 porcënt de porsones che à scioperé (83 sön 2931).
rc
