Atualità
Scolines ladines: Iscriziuns por l'ann de scolina 2015/2016
L’Ispetorat por les scolines ladines dl’Intendënza scolastica ladina lascia alsavëi che dai 19 ai 21 de jenà dl 2015 saràl poscibl da fà les iscriziuns di mituns y dles mitans tles scolines dles valades ladines por l’ann 2015/16.
Les iscriziuns dles mitans y di mituns tles scolines dles valades ladines por l’ann 2015/16 vëgn tutes sö dai 19 ai 21 de jenà diretamënter tles singules scolines, ma por les scolines de Urtijëi "Salieta" y "Scurcià" y por la scolina de Sureghes vëgneres tutes sö tla Direziun dles scolines Ladinia a Urtijëi, strada Roma 4, tl terzo partimënt. La tabela cun düć i orars y i dis dles iscriziuns por la Val Badia y Gherdëna é gnüda injuntada. Al po se scrì ite les mitans y i mituns nasciüdes y nasciüs ćina ai 28.02.2013. Pro l’iscriziun él da se to para la cherta cun le numer dl codesc fiscal dl möt/dla möta.
Informaziuns plü avisa sön l’iscriziun él i geniturs che po ciafè diretamënter tles scolines competëntes tla zona de residënza, tres l’Ispetorat por les scolines ladines (strada Binder 29, Balsan, tel. 0471 / 41 70 05) pro la sënta dla Direziun dles scolines Ladinia a Urtijëi (strada Roma 4, tel.: 0471 / 79 71 17) y pro la seziun destacada dla Direziun dles scolines de Picolin (strada Picolin, tel. 0474 / 52 41 17).
Tla injunta pon ciafè la tabela cun düć i orars y i dis por les iscriziuns partis sö avisa por vigni scolina de Gherdëna y dla Val Badia.
rc
