Atualità
Contribuć provinziai por l'ativité culturala 2015
USP - La Repartiziun Cultura y Intendënza ladina adöm cun la Consulta culturala provinziala por le grup linguistich ladin lascia alsavëi che les domandes por n contribut provinzial por l'ativité culturala 2015 mëss gnì dades jö ćina ai 31 de jenà dl 2015. Les domandes de contribut por investimënć, proieć culturai, ativitês artistiches y de formaziun po gnì dades jö tratan döt l’ann.
Inće chësc ann vara da ti dè jö les domandes por n contribut cultural diretamënter tles valades ladines a n colaboradù/na colaboradëssa dl Ofize Scora y Cultura ladina, y da damanè inće do informaziuns. Chësc sorvisc vëgn pité por les lies de Gherdëna, ai 29.01.2015 dales 16.00 ales 18.00 tla ćiasa de comun de Sëlva tla salf dla junta, y por les lies dla Val Badia ai 29.01.2015 dales 16.00 ales 18.00 tla ćiasa de comun a Al Plan y ai 30.01.2015 dales 16.00 ales 18.00 tla ćiasa de comun de Badia.
Les domandes ti po sambëgn inće gnì ortiades por posta o por pec ala Provinzia Autonoma de Balsan-Südtirol, Ofize Cultura y scora ladina 18.1, Bindergasse 29, 39100 Balsan (E-mail: culturayintendenzaladina@pec.prov.bz.it)
I formulars dles domandes é da ciafè sön la plata internet www.provinzia.bz.it/ntendenza-ladina/service/formuleres-cultura.asp o tl Ofize Cultura y scora ladina, Bindergasse 29, Balsan, Tel. 0471- 417020/21.
rc
