Atualità
„Job & Life“ : Dé por i jogn che chir laûr ai 23 de forà
Le Zënter de Consulënza de laûr da Balsan organisëia sot al moto „Job & Life“ por le secundo iade chësc ann n Dé por i Jogn ai 23 de forà. Tratan döt le domisdé podarà i jogn sot ai 25 agn s’informè sön les poscibilitês y ofertes tl monn dl laûr, sön la chirirda de laûrs y sön cursc de perferzionamënt.
Le Dé por i jogn „Job & Life“ vëgn metü da jì tl contest dl proiet „Garanzia por i jogn“ cun le fin da aconsié i jogn danter i 15 y i 25 agn sön les oportunitês de laûr desvalies, le comportamënt tratan la chirida, les poscibilitês d'informaziun y de formaziun.
Al tolarà pert al'incuntada d'informaziun les Repartiziuns Laûr y Formaziun profescionala, i zëntri d’orientamënt profescional, i ofizi che organisëia i sorvisc volontars y les assoziaziuns dl comerz dl HGV, LVH, HDS y l’assoziaziun di imprenditurs dl Südtirol.
Le „Dé dla Jonëza“, dediché ai jogn che chir laûr, vëgn metü da jì
ai 23 de forà
dales 14.30 ales 16.30
tl’alzada a tera
dl Palaz provinzial 12,
strada Michael Gamper 1
a Balsan.
Düć i jogn danter i 15 y 25 agn po to pert ala manifestaziun d'informaziun "Dé por i jogn". Al é poscibl da s’anunzié cun na mail pro jugendgarantie@provinz.bz.it . Plü informaziuns pon ćiafè sön la plata internet: www.provinz.bz.it/jugendgarantie.
rc
