Atualità
Presentaziun de libri premià tla Teßmann dai 18 de forà inant
La scomenciadia “Bücherwelten” cun l’esposiziun de libri premià é jüda a piz dan da dui dis (11/02) tl Waltherhaus a Balsan. Les publicaziuns premiades tl ann passè vëgn insciö presentades da en mercui ai 8 de forà inant por n mëis tl foyer dla Biblioteca Provinziala Dr. Friedrich Teßmann y po inće gnì imprestades fora.
La presentaziun di libri premià tl 2014 reverda operes importantes dl'ert dl baié, dl’intermediaziun interessanta dl savëi y di valurs o scemplamënter ma operes plajores por dötes les porsones che lî ion. Dötes les publicaziuns che é gnüdes premiades da na iuria de comëmbri esperć cun pesć plü desvalis podarà gnì imprestades fora da en mercui ai 18 de forà ćina ai 7 de merz dl 2015. I orars de daurida dla biblioteca é dal lönesc al vëndres ales 09.00 ales 19.00 y la sabeda dales 09.00 ales 16.00.
La Biblioteca provinziala “Friedrich Teßmann” à süa sënta tla strada Armando-Diaz 8 a Balsan, telefonn 0471 471814, e-Mail info@tessmann.it; http://www.tessmann.it/
rc
