Atualità
Porta daverta tles scores altes ladines: ITE ai 03/03 y Cademia ai 06/03
Por daidé i scolars y les scolares dla scora mesana da to la dezijiun sön ći scora alta chirì fora vëgnel organisé plü dis dla "porta daverta" y manifestaziuns d’informaziun te döt Südtirol: ai 03 de merz él sön le program le Dé dla porta daverta tl „ITE – WFO – Sport Raetia“ a Urtijëi y ai 06 de merz tla Scora d’Ert „Cademia“ y scora profescionala por l’artejanat artistich.
Cun la contlujiun dl percurs formatif dla scora mesana röia milesc de scolars y scolares, adöm a sü geniturs, tla situaziun da mëssei chirì fora ćina ai 31 de merz ći scora alta o profescionala adatada che é adatada por so dagnì. Por ti pité na suraodüda detaiada él les scores altes y profescionales dla Val Badia y de Gherdëna che organisëia i „dis dla porta daverta“ olache les scores ti pitarà la poscibilité ai scolars y ales scolares da se fà n’idea dl funzionamënt y dl’atrativité dles scores altes plurilinguales dles valades ladines.
L’Istitut Tecnich Economich „ITE – WFO – Sport Raetia“ mët da jì le Dé dla porta daverta n dedolönesc ai 03 de merz, dales 08.00 ales 17.00 (cun prenotaziun poscibla telefonan al numer 0471/796296 o e-mail: ite.urtijëi@schule.suedtirol.it).
La Scora d’Ert „Cademia“ y scora profescionala por l’artejanat artistich à so Dé dla porta daverta n vëndres ai 06 de merz dales 09.00 ales 16.00 (por informaziuns 0471-796240 / 0471-796733)
Les manifestaziuns d'informaziun é na buna ocajiun por düć i scolars y les scolares y por sü geniturs da imparè da conësce diretamënter i istituć y l’oferta didatica pitada. Informaziuns plü monüdes sön les manifestaziuns y sön i dis dla "porta daverta" dles scores altes, profescionales y i istituć tecnics pon ciafè tres l’Ofize orientamënt scolastich (tel. 0471 413350).
rc
Galaria dales fotografies
