Atualità
Kompatscher sarà a Roma a n’incuntada cun le Presidënt Mattarella
Le presidënt dla Provinzia Arno Kompatscher arà en jöbia, ai 5 de merz n terminn important: Al'incuntarà insciö, adöm ai presidënć de dötes les atres Regiuns y Provinzies autonomes, le Presidënt dla Republica Sergio Mattarella a Roma.
L’anunzia dl’incuntada cun Sergio Mattarella é gnüda comunicada incö (3 de merz) dal presidënt Arno Kompatscher tratan la conferënza stampa edemala dl mertesc, olache al vëgn presentè tradizionalmënter les dezijiuns plü importantes dla Junta provinziala. Le presidënt Kompatscher à splighé che „un di compić dl Presidënt dla Republica,che é le pröm garant dla Costituziun, é propi chël da sconè nosta autonomia, che é regolamentada da n Statut aposta che à valënza costituzionala.“Nia ma mo inće de chësta tematica y dla sconanza dles mendranzes linguistiches nen jarara tratan l’incuntada de Kompatscher cun le presidënt Sergio Mattarella. Le terminn por l’incuntada danter Mattarella, Kompatscher y düć i atri presidënć dles Regiuns y Provinzies autonomes é preodü por en jöbia, ai 5 de merz dales 11.
rc
