Atualità
Archif provinzial: Les domandes por contribuć po gnì dades jö ćina ai 31/03
L’Archif provinzial conzed contribuć por la conservaziun de archifs privać, de plaonies y por le patrimone storich. Les domandes po gnì dades jö ćina ai 31 de merz dl 2015.
I contribuć vëgn conzedüs por la conservaziun de archifs privać, de racoiüdes de operes leterares te ploanies y te biblioteches storiches y de patrimone cultural cun documënć y libri de valüta storica y leterara (l’eté minima di libri é de almanco 50 agn). Implü vëgnel sostignì i laûrs y mosöres por la reorganisaziun, la descriziun, le renovamënt de documënć de archifs y de atri intervënć che reverda la valorisaziun di archifs.
Les domandes po gnì desćiariades dala plata internet www.provincia.bz.it/archivio-provinciale/ y é inće da ciafè diretamënter tla sënta dl Archif provinzial, strada via Armando Diaz 8 a Balsan. Les domandes mëss gnì dades jö ćina ai 31 de merz dl 2015, por plü informaziuns prëibel contatè le numer dl telefonn 0471 - 411941/46.
rc
