Atualità
Lites comunales: Le ordin di sëgns dles listes é gnü trat fora
En jöbia y en vëndres, ai 26 y 27 de merz, á i partis y les rapresentanzes politiches albü la poscibilité da dé jö i sëgns tradizionai dles listes por les lites comunales ai 10 de má. Incö (30 de merz) él gnü trat fora le ordin di sëgns dles listes por la publicaziun sön i placac d’informaziun por les lites.
Dé jö i sëgns tradizionai dles listes por les lites é por i partis y les rapresentanzes politiches na poscibilité de proteziun iuridica dl sëgn. Chësta mosöra á porchël le fin da ti garantí ales rapresentanzes politiches che degügn d’atri ne pois adoré le medemo sëgn y ti pormët naturalmënter ince a d’atres listes, che ne á nia dé jö so sëgn, da se presenté ales lites ai 10 de má.
Le Secretariat general dla Provinzia á ciafé l’edema da denant indöt 21 sëgns che gnará publicá, te na manira orizontala, sön i placac te vigni Comun tres le ordin trát fora incö, lönesc ai 30 de merz, dal Ofize Chestiuns istituzionales.
Le ordin trat fora é chësc: 1. Verdi - Grüne - Verc; 2. Forza Italia; 3. La Catena; 4. Sinistra Ecologia Libertà; 5. UDC Unione dei Democratici Cristiani e Democratici di Centro; 6. L’Alto Adige nel cuore; 7. CasaPound Italia; 8. Fratelli d'Italia – Alleanza Nazionale; 9. SVP Südtiroler Volkspartei; 10. Die Freiheitlichen; 11. PD Partito Democratico - Demokratische Partei; 12. Verdi - Grüne - Verc - Sel; 13. Die Freiheitlichen – Süd-Tiroler Freiheit; 14. Fratelli d'Italia; 15. BürgerUnion für Südtirol; 16. PSI Partito Socialista Italiano; 17. Unitalia Movimento per l’Alto Adige; 18. Süd-Tiroler Freiheit; 19. Lega Nord; 20. Pensionati; 21. Movimento Cinque Stelle.
rc
