Atualità
La Consulta ladina à ejaminé les domandes de contribut dles uniuns culturales ladines
LPA - La Consulta culturala ladina te na süa sentada à da püch ejaminé les domandes de contribut dles uniuns culturales ladines y de deplü artisc. Indöt él gnü valuté 133 domandes.
133 é stades les domandes che é passades tres la Consulta ladina da süa pröma sentada da en chësc ann, sön chëres che ara à de jö so arat. 10 domandes reverda i contribuć damanà da artisć, 77 l’ativité de uniuns y 46 investimënć tl ćiamp cultural.Deplü é les iniziatives che vëgn sostignides sciöche p. ej. le ćiantè sön Munt da Rina, la festa di 500 agn dla dlijia de S. Maria da Sëlva, produziuns de teater inovatives, les edemes de musiga “Valgardena MUSIKA”, la Ladinia-Tour” y i.i. Inće proieć de artisć inovativs gnarà sostignis cun contribuć.
L’assessur ala cultura ladina presentarà tles proscimes edemes la delibera por l’aprovaziun di contribuć ala Junta Provinziala y do süa aprovaziun podaràl inće gnì paiè fora na pert dl contribut sciöche antizipaziun a chëres uniuns che l’à damanè.
OSP
