Atualità
Concursc dla Fondaziun UNESCO che reverda la geologia: premiaziun ai 18/05
En lönesc, ai 18 de má dl 2015 gnarál premié a Balsan dala Fondaziun UNESCO Dolomites i davagnadus dles döes bandides dl concurs dedicades ala geologia: le concurs scientifich „Pest por le miú laur de dotorat Lorenz Keim“ y le concurs d’idees „La geologia dles Dolomites – Stüde y proietaziun de n model geologich tl teritore dles Dolomites“.
Le pest por le miú laur de dotorat d’archirida sön la geologia dles Dolomites é dediché a Lorenz Keim, le geologh dla Provinzia de Balsan, che á tut pert ai laurs por la candidatöra dles Dolomites sciöche patrimone mondial UNESCO, y che s’á destodé massa adora tl mëis de forá dl 2012.
Le secundo reconoscimënt ti vá a n proiet de presentaziun inovativa y de valorisaziun dl teritore UNESCO dal punt de odüda geologich. Trami dui i pesć é gnüs scric fora cun döes bandides de concurs tl 2014 dala Fondaziun Dolomites UNESCO.
La premiaziun é preodüda
en lönesc ai 18 de má
dales 10:30
tla curt interna tl Palaz Widmann
plaza Magnago 1.
Al tolará pert ala premiaziun danter l'ater l’assessur Richard Theiner, ince suranstant dla fondaziun UNESCO, y de plü rapresentanc dles provinzies y dles regiuns che fej pert dla fondaziun.
rc