Atualità
Lizeum d’ert Cademia: Giaurida dla mostra “42 augen occhi uedli” ai 21/05
“42 uedli – occhi – augen” à inuem la mostra d’ert dla/di 21 studëntes y studënc dla Scola d’Ert “Cademia” de Urtijëi che unirà giaurida ai 21 de mei dala 17.00 tl self dla mostres dla Lia mostra d’ert de Urtijëi. La mostra resterà davierta nchin ai 4 de juni, uni di dala 10.30 ala 12.30 y dala 16.00 ala 19.00. N juebia, venërdi y sada iela nce davierta dala 20.00 ala 22.00.
Per ncurajé la criatività artistica defrënta di studënc y dla studëntes dla cuinta tlas dl Lizeum d’Ert Cademia à la scola metù a jì, adum ala Lia mostra d’ert de Urtijëi, n proiet artistich che à sciche resultat la criazion de operes d’ert de studënc che unirà mustredes al publich tres na mostra. L titul dla mostra “42 augen occhi uedli” descrij la vijions d’ert defrëntes di/dla 21 studënc y studëntes dla cuinta tlas y fej pert dla cuntlujion dl percurs artistich y furmatif dla trëi direzions scolastiches: ert figurativa, design y grafica. La realisazion dla mostra ie unida coordineda dala nsenianta Verena Costamoling.
La mostra unirà giaurida
n juebia, ai 21 de mei
dala 17.00
tla Sala dla Lia Mostra d’Ert
plaza Sant Antone
a Urtijëi
La mostra restarà davierta nchin ai 4 de juni, uni di dala 10:30 ala 12:30 y dala 16:00 ala 19:00. N juebia, venërdi y sada iela nce davierta dala 20:00 ala 22.00. Chësta manifestazion fej pert dl’enes di jëuni.
usp
