Atualità
Banda leria: l’assessuria Deeg incuntará la Ministra Guidi indoman a Roma
L’ampliamënt dla rëi dla banda leria: chësta sará la tematica tl zënter de n’incuntada en program indoman (ai 11 de jügn) a Roma danter l’assessuria provinziala Waltraud Deeg y la Ministra por le svilup economich Federica Guidi. L'assessuria gnará acompagnada dal deputat ladin Daniel Alfreider.
Tl zënter dla vijita da indoman (jöbia ai 11 de jügn) dl'assessuria Waltraud Deeg ala Ministra por le svilup economich Federica Guidi sarál le program südtirolej por l’ampliamënt di coliamënc ADSL. L’incuntada é gnüda organisada dal deputat ladin Daniel Alfreider, che acompagnerá l’assessuria Waltraud Deeg tratan la vijita. Un di obietifs dl program dl govern nazional é che l 85 % dla popolaziun dla Talia dess avëi cina l’ann 2020 n azes a n coliamënt internet asvelt cun na velozité plü alta co 100 megabit al secund.
rc
