Atualità
Frabicac provinziai por la scora de musiga da Bornech y le Kassianeum
Le zënter jonil Kassianeum da Porsenú y la scora de musiga da Bornech rovará te frabicac provinziai. La junta provinziala á tut incö (ai 9 de jügn) chësta dezijiun sön proposta dl assessur Florian Mussner y á aprové les conzesciuns.
Por ci che reverda le zënter jonil él gnü arlungé de 6 agn le contrat de conzesciun dl Pförtnerhaus dla Casa Jakub Steiner a Milland, che é al momënt bele tl salf de registraziun dl Kassianeum, meton insciö a desposiziun dla jonëza dl raiun n post de incuntada important. Tres cun na conzesciun ti á la junta provinziala ince surandé debann al Comun da Bornech, por i agn de sora 2015/2016 y 2016/2017, le convit scolastich Waldheim.
Te chisc dui agn podará l’aministraziun de comun adoré le frabicat por ti pité temporaneamënter locai ala scora de musiga. “Tramesdöes les organisaziuns – sotrissëia l’assessur por le patrimone Florian Mussner – rapresentëia punc de referimënt importanc por la jonëza dl Südtirol y por la difujiun dla cultura sön le teritore. Por chësta rajun unse tut la dezijiun sciöche Provinzia da ti jí adincuntra a sü bojëgns ti mëton temporaneamënter a desposiziun i dui frabicac de Milland y Bornech”.
usp
