Atualità
AVIS Mudaziun de orar: Surandada di posć tles scolines dales 14.00 ai 17/06
En mercui, ai 17 de jügn gnarál surandé dales 14.00 domisdé (y nia sciöche anunzié denant dales 09.00) indöt 30 posć tles scolines ladines por le proscim ann de scolina. Les maestres che é tles gradatöres por trasferimënc y por inciaries a tëmp determiné é inviades da se presenté tla direziun dles scolines da Piculin.
Por l’ann de scora 2015-16 gnarál surandé tles scolines dles valades ladines 15 posć por maestres y 13 posć por colaboradësses pedagogiches. Implü gnarál ciamó surandé 2 posć por maestres cualificades por l’integraziun. La pert plü grana de chisc posć é a tëmp plëgn por döt l’ann, lapró röiel n valgönes suplënzes y posć a tëmp parzial.
La surandada gnará fata aladô dles gradatöres provinziales por les scolines ladines en mercui ai 17 de jügn dales 14.00 domisdé tla sënta destacada dles scolines ladines a Piculin. Al gnará surandé i posć por les maestres y dedô por les colaboradësses pedagogiches. Impröma nen jarara di posć por trasferimënt y dedô dles suplënzes anuales o ince plü cörtes dla 2. gradatöra.
rc
