Atualità
Dala Junta: Dui comëmbri dl CdA por l’Aziënda dl turism da Balsan
La Junta provinziala á aprové incö (ai 7 de lugio) la nominaziun de dui comëmbri dl Consëi d’Aministraziun dl’Aziënda de sojornanza y dl turism de Balsan: Maurizia Mazzotta é gnüda confermada danü te süa inciaria, nü lapró röiél indere Sara Panchetti che barata fora Pierangelo „Dado“ Duzzi.
Deache candidat por les lites comunales da Balsan â Duzzi messü dé jö süa inciaria sciöche presidënt y comëmber dl Consëi d’Aministraziun dl’Aziënda de sojornanza y dl turism de Balsan. Le Comun de Balsan y l’Uniun comerz turism â fat la proposta da nominé sciöche componënta nöia dl CdA Sara Panchetti. Chësta proposta é gnüda azetada incö, mertesc ai 7 de lugio, dala Junta provinziala che á ince confermé, tres sön consëi dl Comun de Balsan, la comëmbra dl CdA da denant Maurizia Mazzotta. Le statut dl’Aziënda dl turism da Balsan prevëiga la nominaziun de 9 comëmbri dl CdA da pert dla Junta provinziala, sis de chisc sön proposta dl Comun da Balsan. Al ti spetará sëgn al CdA nü le compit da chirí fora le presidënt o la presidënta nöia a cé dl’aziënda de sojornanza dl capolüch südtirolej.
rc
