Atualità
Dala Junta: Aprové le ddl sön la prozedöra de atuaziun dla normativa UE
La Junta provinziala á aprové incö (25/08) le test dl dessëgn de na lege europeica „formala“ che definësc la prozedöra da tigní ite por atué les normatives europeiches tles materies de competënza dla Provinzia y por adaté l’ordinamënt iuridich provinzial a chël europeich. Al dess gní metü adöm cina la fin dl 2017 n ddl „sostanzial“ por cöie adöm te öna na lege dötes les desposiziuns provinziales c
La lege europeica „formala“ aprovada dala Junta provinziala reverda la prozedöra por formulé le test de n dessëgn de na lege europeica „sostanziala“ cina l’ann 2017, che dess contigní la prozedöra de ajornamënt dl orientamënt iuridich provinzial a chël europeich.
L’obietif dla lege formala é chël da regolamenté le prozedimënt por rové a na lege europeica sostanziala che garantësces n cheder organich nü cun ma öna na lege sora cun dötes les desposziuns provinziales che reverda le livel europeich. Atualmënter vëgn l’ajornamënt dl ordinamënt iuridich provinzial garantí tres l’aprovaziun de normes contignüdes te leges provinziales spezifiches, por ejëmpl te leges omnibus y finanziares.
„Al é insciö öna de nostes priorités da definí avisa la prozedöra dl ajornamënt normatif y da definí n dëssegn de lege organich te chësta materia“, á splighé le presidënt Arno Kompatscher. Concretamënter prevëiga la lege de prozedöra aprovada incö, mertesc ai 25 d’agost che la Junta analisëies sce les normes provinziales é conformes ales normes europeiches por presenté spo na lege europeica sostanziala cina le 2017 al Consëi provinzial.
I vantaji sará danter l’ater l’adatamënt dles leges provinziales esistëntes ales novités contignüdes tles normes europeiches, la creaziun de na lege unica cun dötes les desposiziuns provinziales che reverda le setur europeich y da avëi n stromënt d’ajornamënt dles normes provinziales al ordinamënt europeich.
rc
