Atualità
7 de setëmber: presentaziun dla campagna nöia de sensibilisaziun SOS Zebra!
Cun le scomenciamënt dl ann scolastich nü pëia ince indô ia la campagna de sensibilisaziun "S.O.S. Zebra!" che á l’obietif da eduché i mituns por mantigní n comportamënt plü sigü sön strada. L’ediziun nöia gnará presentada ai 7 de setëmber dal assessur provinzial Florian Mussner al Safety Park de Pfatten.
L’obietif zentral dla campagna „S.O.S.Zebra!“ metüda da jí dales Repartiziuns Sorvisc Strades y Mobilité en colaboraziun cun l’Ökoistitut, le Safety Park y les polizies comunales é chël da sensibilisé i mituns dles scores elementares, i geniturs y i maestri sön la presënza di pericui stradai. Döes dles tematiches zentrales sará ince la segurëza stradala y la mobilité sostenibla.
L’ediziun nöia dla campagna mët man adöm cun l’ann scolastich nü y gnará presentada dal assessur por la mobilité Florian Mussner te na conferënza stampa
en lönesc ai 7 de setëmber
dales 10.00
tl Safety Park a Pfatten.
Al sará presënc ince le diretur dl Departimënt Valentino Pagani, la garanta por l’infanzia y l’adolescënza Paula Maria Ladstätter y la presidënta dla Crusc Blancia Barbara Siri che tignará dui referac por l’ocajiun.
rc
