Atualità
Macroregiun y Arge Alp: I presidënc Kompatscher y Wallner s’incunta
Le presidënt dl Land Vorarlberg Markus Wallner sará indoman, jöbia ai 10 de setëmber, en vijita dal presidënt dla Provinzia Arno Kompatscher a Balsan. Tratan chësta incuntada gnarál traté la strategia unitara europeica por i raiuns dles Alpes y le svilup dla competitivité y azessibilité dles provinzies. Daldô presentará i dui presidënc na tuta de posiziun deboriada.
En jöbia domisdé ai 10 de setëmber gnarál a se le dé la pröma incuntada ofiziala a Balsan dl presidënt dla Provinzia Arno Kompatscher cun le suranstant dl Land Vorarlberg Markus Wallner. „Danter le Vorarlberg y le Tirol ne él nia ma n lian dër sterch porvia dla storia - spliga le presidënt Kompatscher - mo dantadöt ince por ci che reverda les sfidades che nes aspeta sciöche por ejëmpl chëres tl contest dla Macroregiun alpina.“ Tratan l’incuntada ne gnarál nia ma traté les poscibilités futures de na colaboraziun plü strënta mo al gnará ince debatü dla rapresentanza unitara a Bruxelles y dles tematiches dl’Arge Alp, dl’economia y dl turism. „L’evoluziun di raiuns alpins por ci che reverda l’azessibilité, la competitivité internazionala y l’evoluziun dl turism é na tematica da afronté adöm, olache i podun imparé tröp l'un da l’ater“, insciö Kompatscher.
Do l’incuntada tl ofize dl presidënt Kompatscher se presentará i dui presidënc ai media cun na tuta de posiziun deboriada
en jöbia ai 10 de setëmber
dales 15.00
tl foyer dl ofize dl presidënt dla Provinzia
plaza Silvius Magnago 1
a Balsan.
rc
