Atualità
Convëgn por i 35 agn dl Tribunal por i dërc di amará (ai 18/09)
Les sfidades dla sanité sará tl zënter de n convëgn söi 35 agn dl ativité dl Tribunal por i dërc di amará che gnará tigní ai 18 de setëmber tl Auditorium dl Palaz provinzial 12 tla strada via Gamper 1 a Balsan. Al convëgn tolarál pert l’assessuria provinziala Martha Stocker y le diretur general dl’Aziënda sanitara Thomas Schael.
Le tribunal por i dërc di amará é na scomenciadia nasciüda a livel statal tl ann 1980 (2009 spo ince a livel provinzial) por sconé i dërc di zitadins tl contest di sorvisc sanitars y d’assistënza por contribuí a n'organisaziun plü umana y adatada ai bojëgns di paziënc dl Sorvisc sanitar.
Le tribunal é costituí da zitadins, mo ince da operadus di sorvisc y da profescionisć che fej chësc sorvisc volontariamënter. En gaujiun dl aniversar di 35 agn dl’istituziun de chësc organ a livel statal gnarál a se le dé n convëgn
en vëndres ai 18 de setëmber
dales 09.00
tl auditorium dl Palaz provinzial 12
strada via Gamper 1
a Balsan.
Al tolará ince pert al convëgn l’assessuria provinziala por la sanité y les politiches soziales Martha Stocker y le diretur general dl’Aziënda sanitara Thomas Schael.
rc
