Atualità
Paisc incër le monn: sëra d’informaziun sön l’adoziun ai 8 de otober
Informaziuns ütles sön le percurs d’adoziun di mituns y sön la cultura familiara de atri Paisc gnará presentades tratan la sëra d’informaziun ai 8 de otober tl raiun sozio-sanitar da Bornech. Por düc chi che ó tó pert ala sëra de discusciun él sëgn la poscibilité da se registré.
Adöm cun les istituziuns de coordinamënt dl Südtirol y di zëntri culturai dla Provinzia vëgnel metü a jí dal Sorvisc Adoziuns dl Südtirol na sëra d’informaziun sön la tematica dl’adoziun de mituns da Paisc desvalies dl monn. La manifestaziun é dedicada dantadöt ala presentaziun dles cultures familiares desvalies en general al conzet dl’adoziun. Geniturs cun mituns adotá cuntará de sües esperiëntes tratan le percurs d’adoziun de mituns da d’atri Paisc y dla cultura familiara de atri Paisc. Implü gnarál ince presenté le laur dles istituziuns che se crüzia d’adoziun te chisc Paisc.
La manifestaziun dess ince dé plü impulsc por ponsé do sön l’adoziun de mituns dai raiuns desvalies dl monn. Tres les conscidraziuns y les esperiënzes da pert de porsones de continënc desvalies y da families cun mituns adotá gnarál porvé da presenté la realté di paisc dl’Asia y dl’Europa dl Est dai punc d’odüda di mituns y de süa cultura. La sëra d’informaziun gnará tignida ai 8 d’otober (cun scomenciamënt dales 19.30) tla sënta dl raiun soziosanitar da Bornech, strada Paternsteig 3. I referenc dla sëra sará plü rapresentanc dl Sorvisc Adoziuns dl Südtirol y dles istituziuns culturales Pro Nepal y Centro Russo. Na secunda sëra d’informaziun vëgn organisada ai 3 de dezëmber tl zënter dles Families a Balsan (cun le focus sön l’America dl Sud y Africa).
Düc i interessá dess se registré al Sorvisc Adoziuns, strada Vittorio Veneto 5 a Balsan (tel. 0471 469684 o 0471 401929, email: adoption@sozialbetrieb.bz.it).
rc
