Atualità
Stlütes de nöt sön la statala danter Tlüses y Pontives
Dai 24 ai 28 de novëmber y dai 30 de novëmber ai 4 de dezëmber sará la strada statala de Gherdëna 242 danter Tlüses y Pontives stlüta de nöt te trames les direziuns. La stlüta sará dales 21.00 ales 06.00 y reverda trates ti Comuns de Tlüses y Laion che mëss gní sarades por fá relevaziuns tles galaries por podëi fá daldô laurs de ressanamënt. Chësc vëgn comuniché dala Repartiziun Infrastrotöres.
Tles proscimes edemes gnarál efetué relevaziuns cun radars aposta (GPR - ground penetrating radar) sön la strada statala SS242 dir. danter Tlüses y Pontives, naota dlungia la cité de Tlüses y spo te na secunda relevaziun do le paisc de Laion. L’Ofize Tecnich Strades zënter-sud dla Provinzia informëia che chëstes relevaziuns é nezesciares por avëi dac a desposiziun por le ressanamënt dles indöt sis galaries.
Por fá chëstes mosoraziuns él nezesciar da stlü la strada te trames les direziuns sön la strada statala 424dir dlungia Tlüses y chësc dales 21.00 cina les 06.00 vigni nöt dal mertesc ai 24 de novëmber cina la sabeda ai 28 de novëmber dl 2015. Le trafich vëgn sposté tratan la sarada sön la strada provinziala SP 82 danter Pruca y la statala 424dir. y sön la strada statala 242 danter Pruca y Urtijëi.
Implü messarál gní stlüt la strada statala 424dir. do la localité Laion dales 21.00 ales 06.00 vigni nöt dal lönesc ai 30 de novëmber al vëndres ai 4 de dezëmber dl 2015. Le trafich gnará sposté tratan chësta secunda sarada sön la strada provinziala SP 139 danter Laion cina püch dan Pontives o al é ince poscibl da adoré naturalmënter la strada statala 242 danter Pruca y Urtijëi che restará tres daverta.
rc
