Atualità
Maestri di schi y dla brëia: iscriziuns cina ai 24 de forá
Cun le scomenciamënt de merz gnarál tigní les proes d’idoneité por maestri y maestres di schi y dla brëia. Les iscriziuns al’ejame mëss gní presentades al’Area funzionala turism dla Provinzia cina ai 24 de forá dl 2016.
I ejams de pratica por deventé maestri o maestres di schi gnará organisá dai 8 ai 10 de merz sön le Ju Monte Croce (Sest/Val de Puster) y chi por i maestri y les maestres dla brëia dai 11 ai 12 de merz tl’area da jí cui schi de Haunold a Sanciana. Les domandes de amisciun ai test d’idoneité mëss gní presentades cina en mercui ai 24 de forá. Por de plü informaziuns sön les iscriziuns prëibel contaté l’Area funzionala turism dla Provinzia de Balsan, strada via Raiffeisen 5, tel. 0471 413727, e-mail markus.pichler@provinzia.bz.it.
Le formular d’iscriziun pó gní desciarié dala plata internet www.snowsport.bz.it do che an á fat la registraziun sot a „interessati“.
rc
