Atualità
Dala Junta: scombatimënt ala dependënza dal jüch, criters nüs
La Junta provinziala á mudé incö, ai 15 de merz, i criters por la conzesciun de contribuc tl setur dl scombatimënt ala dependënza dal jüch. La continuité tl’ativité de prevenziun é la basa por l’aprovaziun di contribuc preodüs por proiec de plü agn.
Cun les mudaziuns ai criters por la conzesciun de contribuc tl ciamp dl scombatimënt dala dependënza dal jüch ó la Junta provinziala promöie ince tl dagní proiec de informaziun, sensibilisaziun y prevenziun cun na dorada plurianuala. I contribuc conzedüs dala Provinzia por i proiec de assoziaziuns y de comunités raionales pó curí cina al 90 porcënt dla spëisa ametüda.
Sciöche ejëmpli á l’assessuria por les politiches soziales Martha Stocker cunté sö la colaboraziun cun les scores che prevëiga gonot scomenciadies y proiec che á na dorada de plü mëisc. Öna na mudaziun sará tl dagní ince la presënza de n rapresentant dla rëi provinziala cuntra la dependënza dal jüch tla comisciun de valutaziun di proiec. I criters nüs prevëiga implü scemplificaziuns tl ciamp dla burocrazia y na seria de controi da pert dl Ofize provinzial competënt dl 6 porcënt dles domades de contribuc presentades.
rc
