Atualità
De di museums dl Südtirol: incuntada ai 21 de merz
En lönesc ai 21 de merz vëgnel metü da jí por le dejimo iade le De di museums dl Südtirol: al é n’ocajiun importanta por düc i operadus y les operadësses dl setur por s’incunté y se baraté fora. L’assessur provinzial Florian Mussner dauriará le de al Messner Mountain Museum a Balsan dales 09.00 danmisdé.
Le De di museums dl Südtirol é öna dles incuntades anuales plü importantes por düc i operadus che laora tl setur di museums y che é dediché chësc ann ala tematica „I museums danter cultura y dialogh". Le convëgn gnará daurí dal assessur por i museums Florian Mussner
en lönesc, ai 21 de merz 2016
dales 09.00
tl Messner Mountain Museum
strada „Castel Firmiano“ 53
a Balsan.
Al tolará ince pert ala manifestaziun la direturia dla Repartiziun Museums Karin Dalla Torre. Tratan le de él sön le program de plü intervënc danter l’ater da pert de Magdalena Messner (coordinadëssa di sis Messner Mountaiun Museums dl Südtirol) y Michael Kasper (diretur scientifich-cultural di comuns dl Montafon tl Vorarlberg). Al gnará ince presenté l’ann museal 2016, n pice ressüme dl ann tematich 2015 „Young & Museum“ y le proiet dl „MuJuK“.
rc
