Atualità
Dala Junta: lernerat ince por les porsones cun handicaps
Ince les porsones cun handicaps, maraties psichiches o cun problems de dependënza ará azes a n contrat regolar de lernerat tl contest dles mosöres de reabilitaziun dl laur por ciafé n atetst de na scora profescionala. I criters che reverda la formaziun aziendala é gnüs aprová incö (ai 5 de aurí) dala Junta provinziala.
L’ordinamënt dl lernerat prevëiga che la formaziun aziendala pó gní tignida ince te istituziuns publiches tl contest dles mosöres de realibitaziun ponsades por porsones che á handicaps, che sofrësc de maraties psichiches o cun problems de dependënza, a chëres che al ti vëgn dé la poscibilité da lauré te laboratori aposta o te zëntri de formaziun aziendala.
I criters por la formaziun aziendala é gnüs aprová incö, ai 5 de aurí, dala Junta provinziala sön proposta dl assessur Philipp Achammer, y ti pormetará ince a porsones che é te na fasa de reabilitaziun da fá n lernerat y da ciafé n atestat da na scora profescionala.
„L’inserimënt dles porsones cun dificoltés tl monn ld laur é n vare fondamental por l’integraziun y l’intlujiun soziala“, á dit le presidënt Arno Kompatscher. I criters jará en forza apëna che ai gnará publicá söl Boletin ofizial dla Regiun Trentin-Südtirol.
rc
