Atualità
Ejams de bi- y trilinguism: Portes davertes ai 12 de ma a Balsan
Cöi adöm informaziuns sön l’ejam de bilinguism, jí a ti ciaré ai ofizi y simulé les situaziuns d’ejame é sön le program ai 12 de ma a Balsan.
N de intier dediché ales proes de bilinguism: chësc é sön le program tratan le De dles portes davertes,ai 12 de ma dales 09.00 cina les 17.30 tla sënta dl Ofize Sorvisc ejams bi- y trilinguism a Balsan, por düc i interessá ales proes por ciafé le bilinguism. An ne podará nia ma ti dé n’odlada ai ofizi d’ejame, mo ince simulé les proes y s’informé sön les la strotöra d’ejame y les cosses plü importantes da savëi por s’arjigné ca.
La simulaziun dla proa gnará ince valutada da na comisciun d’ejame che dará ince consëis y n arat sön la proa. Le Sorvisc de bi- y trilinguism da Balsan organisëia ince contac cun partners de lingaz por baraté fora sües conescënzes linguistiches ince tres i media nüs sciöche Skype, Whatsapp, Hangouts, Viber y Tango.
Porvia de n numer definí de partezipanc él nezesciar da se prenoté. Le formular de prenotaziun y le program é da ciafé sot a: http://www.provinz.bz.it/zdp/1469.asp
La sënta dl Ofize Sorvisc ejams bi- y trilinguism á la misciun strada Dr. Julius Perathoner 10, 39100 Balsan. Le numer de telefon é le 0471 413900.
rc
