Atualità
De mondial dl'astma organisada dal’OMS (ai 03 de ma)
Indoman, en mercui ai 3 de ma, vëgnel metü da jí le De mondial dl'Astma, na maratia che atoca tl Südtirol söporjö 8700 porsones.
Tl Südtirol é i amará de astma complessivamënter zirca 8700, de chisc 4600 ëres y 4100 ëi, l’eté mesana é de zirca 46 agn. „Sce i sintoms dl’astma ne vëgn nia trata te na manira adatada spo pó chësta maratia ester ince la guajia de mort“, dij l’assessuria por la sanité Martha Stocker en ocajiun dl De mondial dl'astma che vëgn tigní indoman, mercui ai 03 de ma, sön scomenciadia dl’Organisaziun Mondiala dla Sanité (OMS). Sovënz scomëncia chësta maratia tratan la jonëza cun le sintom de n atach de tos dër sterch do na bronchite o n’atra infeziun dles vies da trá le flé.
De conseguënza vëgn se svilupëia chësta maratia dantadöt tratan les ores de nöt por gaujia de na mancianza d’aria cun dificoltés tla respiraziun. Deache le sintom prinzipal é la tos ne vëgn l’astma sovënz tl mëteman nia descurida. Por garantí n’assistënza efiziënta cun aparac aposta él i raiuns soziosanitars che mët a desposiziun na seria de ejams sciöche la radiografia, le test dl sanch, dla funzionalité di fiá y tesć cuntra les alergies che consënt da antergní a conseguënzes gravoses cun na diagnosa asvelta.
La Repartiziun Sanité laurará ince tl dagní sön chësta problematica cun n impëgn cotsant por mioré l’assistënza di amará de astma cun mosöres nöies y proiec atuai. „Dantadöt sarál ince i jogn y les jones che ará vantaji dales metodologies de tratamënt nöies che i responsabli dl’Aziënda sanitara é tl laur de arjigné ca“, sotlignëia l’assessuria Stocker.
rc
