Atualità
Pericul de meldefuech ti bòsc dl Südtirol
Nce i raions che ie plu alauta ie sën tuchei dal pericul de meldefuech tl bosch. Nsci ie l fé fuech ala legia dassën periculëus, dij i respunsabli dl servisc forestel. La regula che n ne possa nchin a 20 metri dal bosch nia fé fuech vën sën mo slargeda ora. Per via dl gran pericul de meldefuech iel sën nce pruibì fumé, fé fuech te na luegia aposta che ie nce mureda o adurvé n gril a gas tl bosch o daujin al bosch.
Cun l truep bel tëmp y la temperatures dastramp autes resta nce l pericul de meldefuech ti bòsc grant.La forestela cumët perchël a duc de mëter dassën averda cun l fuech ala lergia. La situazion pudrà permò miuré do plu dis de gran plueies. Meldefuech tl bosch o pra vel sienes dessa unì fat al savëi ai Destudafuech dl luech o tla zentrela di Destudafuech a Bulsan, cherdan su l numer de telefonn 115.
SAN
