Atualità
Dala Junta: medejina generala, aumenté le paiamënt por i tutors
La Junta provinziala á stabilí incö n aumënt dl paiamënt por düc i doturs che fej ince da tutors por i jogn praticanc.
La formaziun spezifica de medejina generala tl Südtirol ne prevëiga nia ma na seria de seminars y de cursc de teoria por i studënc, mo ara garantësc ince ai doturs n curs aposta cun leziuns pratiches da fá tles staziuns desvalies di ospedai dla provinzia. I jogn praticanc vëgn acompagná tratan le percurs de formaziun te na manira particolara da n grup de doturs de medejina generala che fej ativités de tutor y che controlëia le laur tres plü programs aposta.
„I tutors á te chësc contest na funziun fondamentala por ci che reverda la formaziun di doturs, deache ai garantësc l’insegnamënt dles competënzes fondamentales por daidé i praticanc te so percurs de formaziun profescionala“, á sotligné l’assessuria provinziala por la sanité Martha Stocker. Por i doturs che fej chëstes ativités é le paiamënt le medemo dal 1999 inant. La Junta provinziala á insciö tut la dezijiun incö (ai 31 de ma) da aumenté le paiamënt en relaziun al’inflaziun. La tarifa por i tutors sará insciö nia plü 116 euro mo 150 euro plü Iva al’edema.
rc
