Atualità
L proiet „assegurazion de cura“ tl internet
Dut cie che ie nteressant a savëi sun l proiet „assegurazion de cura“ tl Südtirol ie da sën nce da abiné tl internet. Do che n à bele publicà y spartì ora l cudejel de nfurmazion dal titul „Gutes Gefühl - Die Pflegeversicherung des Landes Südtirol“, possa la jënt sën nce cialé do plu avisa duc i particuleresc sun chësc proiet sun la plates tl internet.
Sota l’adres www.provinz.bz.it/pflegeversicherung possen da ncuei se cialé do la nfurmazions sun l proiet assegurazion de cura tres computer. Sun la plates dl internet iel da abiné la respostes sun cuestions che à danfé cun l adurvé dla cures, chiche possa se nuzé dl servisc, la categuries de cura, i scioldi per la cura, i servijes, cosc’ y spëises, l sté ora dal lëur y i cuntribuc de ublianza. Da chësta plates che ie unides metudes adum a na maniera dët scëmpla y saurida da adurvé, possen nce se desciarië l cudejel de nfurmazion nunzià dessëura. Nfurmazions plu avisa iel da giapé dal ufize provinziel per cura y assistënza ajuntiva, tla streda dla libertà 23 a Bulsan, numer vërt 800-018796, numer de fax 0471-41 16 69, e-mail vorsorge@provinz.bz.it; Internet: www.provinz.bz.it/pflegeversicherungOSP
