Atualità
Mamifri ala lergia a Andrian
Bën 25 sortes de pitli mamifri de nosc raions possa l Museum dla Natura de Bulsan mustrè su dal ann 1995. La talpines, la surices de de plu razes y mo d'autri tieres possa uni vijitei ala lergia pra na escurscion ai 22 de agost a Andrian. N possa mo se nuté su nchin ai 19 de agost 2003 per chësta jita.
La suricia y cumpanies sarà l zënter dl nteres pra la jita de mez n di cun Eva Ladurner. Metù a ji ie chësta jita dal Museum dla Natura dl Südtirol. N se anconta dala 7.30 pra la ustaria „Schwarzer Adler“ tl zënter de Andrian y udù dant iel de sté deberieda nchin la 11-12 da mesdì. I nteressei che ulessa ji pea dessa se furnì da manies longes y cun de bon ciauzei. Per rejons de urganisazion iel debujën de se lascé nuté su pra l Museum dla Natura al numer de telefonn 0471-412 964 (dala 10.00 ala la 18.00) nchin ai 19 de agost 2003. Nfurmazions plu avisa ie da giapé dal Museum dla Natura tla streda Binder 1 a Bulsan.OSP
