Atualità

Scora / Cultura | 19.08.2003 | 10:07

Nchinamo 4.705 dumandes per cuntribuc de studi

OSP - Sculeies de ublianza, studënc de scoles autes, chëi che fej cursc prufesciunei a tëmp plënn tla scoles per lëur da paur y per l tenì cësa, nsci sciche studënc universiteres possa per l ann de scola che à da unì damandé n cuntribut dala Provinzia. "Nchinamo iel unì dat ju 4.705 dumandes", dij l'assessëura ala furmazion Sabina Kasslatter Mur. Aldò dla scoles vel dates defrëntes per de jú chësta dumandes. Tla proscima enes possa la dumandes unides dates ju tl'ufize pruvinziel per assistënza scolastica a Bulsan.

Danter i sculeies de ublianza a nchinamo 90 dat ju la dumanda per n cuntribut. Chisc sculeies muesssa de jù l formular nchin ai 16 de utober 2003 pra l’ufize pruvinziel per assistënza scolastica a Bulsan; per i sculeies de scoles autes y chëles d’ert vel l 2 de utober 2003. Per studënc dla scoles prufesciuneles ie l 30 de utober 2003 l ultim di. Chësta dumandes possa unides dates ju pra la scoles o scenò nce pra l ufize cumpetënt nunzià dessëura. Ndut iel 3.859 studënc dla scoles autes che à damandà n aiut finanziel per l ann de scola che à da unì. Danter i studënc che va ora de Südtirol a mparé n mestier, à 20 dat ju na dumanda. Per chëi che mpera te scoles che l ne da nia tla Provinzia de Bulsan, ie l 16 de utober l ultim di per la dumandes. La dumanda ie nce te chësc cajo da dé ju al ufize pruvinziel per assistënza scolastica a Bulsan. L 16 de utober ie nce l ultim di per studënc universiteres y de scoles prufesciuneles autes, la dumanda ti va for al ufize per assistënza scolastica. L’assessëura ala fumazion Kasslatter Mur cunsiëia de damandé l cuntribut per tëmp per avëi a chëla maniera l vantaje de giapé dant i scioldi, per nuzé i dis te chëi che l ie mo plu tëmp per dé nfurmazions y per cumedé n cajo dumandes che ne fossa nia apost. Nfurmazions plu avisa giaten pra l ufize per assistënza scolasitca tla cësa provinziela VII, tla streda Andreas Hofer 18, al sgondo partimënt, ufize nr. 205. L numer de telefonn ie 0471-413 305/412 925/412 924; l’adres internet ie

www.provinz.bz.it/Schulfuersorge-berufsberatung/4001/schulfuersorge/index_d.htm

OSP