Atualità

Scora / Cultura | 20.08.2003 | 08:56

L liber dai cursc ie anjenià

OSP – I cursc che vën pitei danter setëmber 2003 y jené 2004 ie sën da cialé do tla edizion nueva dl liber dai cursc „Zeit für Weiterbildung“. La nuvità da chëst iede ie la „plates de ult“ che dà nfurmazion sun plates tl internet, banches dati, y publicazions tl ciamp dl’istruzion y che dëssa dé urientamënt tla gran vela de cursc y seminares tl Südtirol.

2.500 cursc tol ite la gran vela de istruzion tl Südtirol danter setëmber 2003 y jené dl 2004, che vën presentei tl liber dai cursc nuef. Ndut iel 80 istituzions y 22 ufizes publiches che sustën y mët a ji i cursc, che presentea si vela te chësta publicazion. I cursc vën tenì tla rujeneda tudëscia y ladina. La vela lergia de argumënc per l lëur y tëmp liede ie penseda per duta la populazion, unfat de c’una età. La nuvità dla „plates de utl“, te chësta edizion dl „Zeit für Weiterbildung“ ie sun doi plates a pert. Tlo possen liejer do nfurmazions sun plates tl internet, banches dati, y publicazions tl ciamp dl’istruzion. L liber dai cursc per l tëmp danter setëmber 2003 y jené 2004 ie da giapé pra l portier dla cëses provinzieles I y VIII a Bulsan, pra l’urganisazions de istruzion, ti ufizes de urientamënt profesciunel de raion, pra l casses Raiffeisen y nce diretamënter tl ufize per istruzion dla ripartizion per cultura tudëscia, tla streda Andreas Hofer 18 a Bulsan. Sce n se damanda l liber tres telefonn al numer 0471 –41 33 95/97 o tres l formular che ie tl liber nstess o tl internet, l giaperan mandà per posta debant. I cursc, cun nfurmazions atualisedes ie nce da abiné tl internert sota www.provinz.bz.it/weiterbildung ulache n possa se nute sù online. Tl liber „Vivere e aggiornarsi – Corsi e manifestazioni 2003/2004“ iel da abiné la vela de cursc y seminares de rujeneda taliana. Chësc ie da giapé tl ufize per l’istruzion dla ripartizion per cultura taliana, tla streda Neubuch 2 a Bulsan. L numer de telefonn ie 0471 – 41 12 40 y pra l’urganisazions de istruzion. Tl internet possen cialé sota www.provincia.bz.it/cultura/educazione/corsi/broschuere I link tl intenert, nunziei te chësc articul: www.provinz.bz.it/weiterbildung www.provincia.bz.it/cultura/educazione/corsi/broschuere

OSP