Atualità
Decijions dla II. Cumiscion per la scunanza dl ambient
OSP – Na lingia de proiec ie unic tëui tres dala cumiscion per la scunanza dl ambient a Bulsan. Danter chisc nce la streda „Sotrù-Oies“ tl Chemun de Badia y l troi sun Bulacia.
L mëter ju asfalt per la streda che porta ai mejes dl Samberg tl Chemun de Welschnofen ie unì dat pro cun vel adatamënt. Chësta streda de azes unirà miureda y segureda. La streda prinzipiela puderà unida asfalteda y giaperà na larghëza de 2,8 metri. L’autra stredes che mëina nchin pra la cëses ne dessa nia unides asfaltedes dij Winfried Theil, l vizepresidënt de cumiscion. Pra la stazion a val dla furnadoia de Mont Sëuc, tl Chemun da Ciastel possa unì fat sù na utia per la lënia da brujé. La utia ie sota tiera y nia da udëi ajache la ie curida da giara. „Na tel utia ie debujën per rejons de sergurëza“ iel unì juntà dala cumiscion. A una se à la cumiscion per la scunanza dl ambiënt nce mustrà per l miuramënt dla streda „Sotrù-Oies“ tl Chemun de Badia. Chësta ie la streda che porta pra la capela a Oies dl beat Ujep Freinademetz che unirà cunsacrà sant d’autonn. Davia che la capela ie n pont de atrazion per vijitadëures y pelegrins, iel debujën de chisc lëuers. Na streda da giara da ji a pé dëssa deventé l troi di pelegrins nchin pra la capela. A na moda che i vijitadëures posse nce lascé ju i auti, uniral da una pert dla streda fat lueges per chisc. Tlo dessa giapé lerch nchin a 60 auti. Udu dant ie pona nce na lerch ulache la curieres possa raidè, cun doi lueges per lascé la curieres. Chësc dëssa vester na soluzion provisoria. I parëies ziclopiches dessa me unì fai su ulache la muessa vester y scenò dessen fé n rone cun plantes defrëntes. Nce l troi sun Bulacia, sun Mont de Sëuc dessa unì ngiareda ite. Chësc troi da ji a pé dal Eurotel nchin sun Bulacia ie unì dassën slavatà ora y dëssa perchël unì ngiarà ite. L ie n troi drët priejà dala jënt y dëssa perchël nce unì mantenì. Per l ultim iede se à la II. cumiscion per la scunanza dl ambient dat ju cun l mëter su tofles. Al dò dla lege nueva per la scunanza dl ambiënt ne messerala tl daunì nia plu se de ju cun tofles. La tofles pra la rundela dan l luech de Welsberg ne ie nia unides dates pro. La cumiscon ie dla minonga che la tofles de doi per doi ie massa grandes y la scrita „Erlebnisdorf Welsberg“ ne vën nia ududa schiche nfurmativa y porta nce confujion dauji ala rundela. L pitl luech de 10 uties da mont Knuttenalm tl Chemun de Sand in Taufers giperà mo na utia nueva. L se trata de na ciajea per l paster te na buja. Chësta passena cun l’autres y ne desturba nia l cheder ambientel. A una ie la cumiscion nce stata per la tofles de nfurmazion sun l troi didattich dla minera pra l museum provinziel dla minera a Prettau. La tofles ie cun 70 per 70 cm plutosc pitles y à nce n valor culturel-storich y nfurmatif. Sun la tofles vëniel mustra sù a paroles y dessenies la vita di lauranc. Mplù vëniel nce dat nfurmazions nteressantes sun la miera. Duta la tofles dlongia l troi nchin pra la ntreda dla minera sarà te doi rujenedes.OSP
