Atualità
#prömtëmp: ai 7 de lugio incuntada de mesa legislatöra cun Kompatscher
Les conferënzes stampa de #prömtëmp se stlüj jö ai 07/07 tla fortëza de Franzensfest: dales 10.00 l’incuntada de mesa legislatöra cun le presidënt Kompatscher.
Renforzamënt dla responsabilité personala, partezipaziun dles porsones, scemplificaziuns y alisiraziuns por zitadins y impreses: chisc é stá i trëi obietifs generai dla Junta provinziala dal mëteman dla legislatöra inant. N’analisa dla situaziun dui agn y mez daldô gnará fata dal presidënt dla Provinzia Arno Kompatscher te n’incuntada cun i media
en jöbia ai 07 de lugio,
dales 10.00
tla fortëza de Franzensfest.
Le presidënt presentará les tematiches che reverda l’agenda politica, le svilup dl’autonomia, la chestiun di migranc y i seturs de süa competënza direta: l’economia, l’Europa, les finanzes y l’inovaziun. Por fá chësc ál chirí fora de plü locai al intern dla fortëza de Franzensfest che é dal 2013 de proprieté dla Provinzia.
Por i partezipanc: al vëgn aconsié cialzá comoc, deache al é preodü de plü spostamënc y plü tapes tratan l’incuntada.
rc
