Atualità
Descurí la Val di Murins adöm cun le Museum Ladin
Vigni mercui da lugio cina agost organisëia le Museum Ladin Ciastel de Tor n’escursciun acompagnada tla Val di Murins.
Escursciuns por imparé da conësce la natöra y la cultura ladina: ince por l'isté dl 2016 organisëia le Museum Ladin Ćiastel de Tor da San Martin vigni mercui dai 1 de messé inant cina ala fin d’agost vijites acompagnades tl Museum Ladin y tla Val di Murins.
Le danmisdé mët man cun na vijita al Museum Ladin Ćiastel de Tor a San Martin dales 10. Domisdé gnarál organisé na vijita acompagnada tla “Val di Murins” a Lungiarü, olache an pó vijité ot morins che trasmët le lian dla cultura da paur da zacan cun chëra de’aldedaincö. Un de chisc ê n morin da pires che gnô ince adoré da destlofé la blâ. Lapró él ince na teleferica de na siëia y na cialciara, che desmostra che al gnô chiló n iade borjé la cialc. Implü podarán ti dé n'odlada ales viles, i frabicac tipics dla cultura da paur y dla contrada ladina.
La vijita mët man dales 14:30 sön la plaza de dlijia da Lungiarü y döra cina zirca les 16. Vijita plü spazirada costa indöt 10 euro. Ma le domisde costa 5 euro. La prenotaziun é nezesciara al numer de telefonn 0474 524020 (Museum Ladin).
De plü informaziuns pon inće ciafè sön la plata internet dl museum: www.museumladin.it
rc
Galaria dales fotografies
Foto: Museum Ladin
