Atualità
Program da d’isté por mituns organisé dal Museum Ladin
Ince chësc isté vëgnel organisé dal Museum Ladin Ciastel de Tor y dal Museum Ladin Ursus Ladinicus de plü scomenciadies por mituns.
Vigni mercui de lugio y agost (cun n’ezeziun ai 13 de lugio) mët le Museum Ladin Ursus ladinicus da jí n proiet cun laboratore por descurí la storia dla laurs di andri de Conturines. Al é preodü de plü ativités de aorela cörta. La scomenciadia vëgn organisada en colaboraziun cun l’Assoziaziun turistica Alta Badia y costa cinch euro por möt. Al é nezesciar da se scrí ite pro l’Assoziaziun turistica da San Ciascian al numer 0471/849422.
Vigni jöbia de lugio y agost cina al 1 de setëmber sarál ince le Museum Ladin Ciastel de Tor a San Martin che mët da jí n damisde por mituns dai 5 ai 10 agn. Sön le program él ativités creatives y aprofondimënc sön de plü tematiches, ince i geniturs pó fá para. La partezipaziun costa cinch euro por möt, al é nezesciar da se prenoté al numer 0474/524020.
Por plü informaziuns: Museum Ladin Ćiastel de Tor, via Tor 65, I-39030 San Martin de Badia, tel. 0474/524020, www.museumladin.it
rc
